Սերմով սիզամարգեր

Սիզամարգերը ընտրելիս պետք է կենտրոնանալ տեսակների վրա՝ կախված նպատակից։ Սիզամարգը ցանելը հաջողությամբ կարելի է իրականացնել ինչպես գարնանը, այնպես էլ աշնանը։ Սիզամարգերի սերմերի ցանքի չափը կախված է սիզամարգերի տեսակից և աճեցման պայմաններից: Այն տատանվում է 30-ից 50 գ մեկ քառակուսի մետրի համար կամ 3-5 կգ՝ 100 քառակուսի մետրի համար:

O2 Gardens-ում առաջարկում ենք հոլանդական Barenbrug ապրանքանիշի սերմերի հետևյալ տեսականին՝

Barenbrug Dry & Strong 20-40 m2 - Այս տեսակի առավելությունն այն է, որ կարող է որոշ ժամանակ դիմանալ առանց ջրելու: Ստանդարտ խոտերի մոտ արմատները ավելի մակերեսային են լինում, իսկ այս տեսակը ունենում է մոտ 50 սմ խորությամբ արմատներ ինչի շնորհիվ դիմակայում է չորությանը:

Barenbrug Quick Repair 30-50 m2 - Այս տեսակը հիմնականում օգտագործվում է խաղահրապարակներում, որտեղ անհրաժեշուություն է լինում արագ վերականգնել խոտածածկը: Այս սերմերը կարելի է օգտագործել նույնիսկ երբ օդի ջերմաստիճանը հողի մակերևույթին 4 աստիճան է :

Barenbrug Shadow & Sun 50 m2 - Օգտագործվում է ստվերային տեղերի համար: Պարունակում է այնպիսի սերմեր որոնք շատ խիտ աճում են նույնիսկ ստվերում և ստեղծում են խիտ խոտածածկույթ:

Barenbrug Tough & Easy 50 m2 - Այս տեսակը բավականին դիմացկուն է և՛ շոգի հանդեպ, և՛ չորության: Բավականին արագ է աճում և ունենում է խիտ արմատային համակարգ: Խոտածածկը լինում է համեմատաբար կոշտ, ինչի համար էլ շատ է օգտագործվում խաղահրապարակներում:

Ռուլոնային սիզամարգեր

Սերմերի տնկման խառնուրդը ընտրվում է յուրաքանչյուր տեսակի սիզամարգերի համար: Ստանդարտ չափսի գլանափաթեթն ունի հետևյալ պարամետրերը՝

• լայնությունը – 0,4 մ;
• մակերես – 0,8 մ²;
• հաստությունը - 15-ից 20 մմ;
• երկարությունը – 2 մ :

Հատուկ և պարտերի սիզամարգերի թիթեղների ձևաչափը հասնում է 5x8 մ-ի, խոտածածկի շերտի հաստությունը՝ մինչև 2 սմ, կանաչ գորգի հաստությունը՝ 6–7 սմ։